(Khotbah of the Day) Asokkor atas Sadejeh Nikmat

KHUTBAH JUMAT BAHASA MADURA

Asokkor atas Sadejeh Nikmat

 

Khutbah I

 

اَلْحَمْدُ لِلهِ وَاسِعِ الْفَضْلِ وَالْاِحْسَانِ، وَمُضَاعِفِ الْحَسَنَاتِ لِذَوِي الْاِيْمَانِ وَالْاِحْسَانِ، اَلْغَنِيِّ الَّذِيْ لَمِ تَزَلْ سَحَائِبُ جُوْدِهِ تَسِحُّ الْخَيْرَاتِ كُلَّ وَقْتٍ وَأَوَانٍ، العَلِيْمِ الَّذِيْ لَايَخْفَى عَلَيْهِ خَوَاطِرُ الْجَنَانِ، اَلْحَيِّ الْقَيُّوْمِ الَّذِيْ لَاتَغِيْضُ نَفَقَاتُهُ بِمَرِّ الدُّهُوْرِ وَالْأَزْمَانِ، اَلْكَرِيْمِ الَّذِيْ تَأَذَّنَ بِالْمَزِيْدِ لِذَوِي الشُّكْرَانِ. أَحْمَدُهُ حُمْدًا يَفُوْقُ الْعَدَّ وَالْحِسْبَانِ، وَأَشْكُرُهُ شُكْرًا نَنَالُ بِهِ مِنْهُ مَوَاهِبَ الرِّضْوَانِ

 

أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ دَائِمُ الْمُلْكِ وَالسُّلْطَانِ، وَمُبْرِزُ كُلِّ مَنْ سِوَاهُ مِنَ الْعَدَمِ اِلَى الْوِجْدَانِ، عَالِمِ الظَّاهِرِ وَمَا انْطَوَى عَلَيْهِ الْجَنَانِ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَخِيْرَتُهُ مِنْ نَوْعِ الْاِنْسَانِ، نَبِيٌّ رَفَعَ اللهُ بِهِ الْحَقَّ حَتَّى اتَّضَحَ وَاسْتَبَانَ. صَلَّى اللهُ عَلَيْهِ وَعَلَى أَلِهِ وَأَصْحَابِهِ أَهْلِ الصِّدْقِ وَالْجُوْدِ وَالْوَفَاءِ وَالْاِحْسَانِ. أَمَّا بَعْدُ، أَيُّهَا الْاِخْوَانُ أُوْصِيْكُمْ وَاِيَايَ بِتَقْوَى اللهِ وَطَاعَتِهِ، بِامْتِثَالِ أَوَامِرِهِ وَاجْتِنَابِ نَوَاهِيْهِ. قَالَ اللهُ تَعَالَى فِيْ كِتَابِهِ الْكَرِيْمِ: وَإِنْ تَعُدُّوا نِعْمَةَ اللَّهِ لا تُحْصُوها إِنَّ اللَّهَ لَغَفُورٌ رَحِيمٌ

 

Hadirin Jamaah Jumat yang dirahmati oleh Allah

Ngireng kuleh sareng panjennengan sadejeh, amojih tor asokkor dek ajunan epon Allah swt, atas sadejeh nikmat se ampon e parengaki, khusus epon nikmat Islam sareng iman, saenggenah kuleh sareng panjennengan sadejeh bisa a laksana aki kawejiben aropah shalat Jumat. Shalawat sareng salam ngereng ator aki dek ajunan epon Nabi Muhammad saw, se ampon sukses e delem anyebar aki Islam se rahmatan lil ‘alamin, se sampek samangken teros e pertahan aki sareng kuleh sadejeh.

 

Selanjut epon, Khatib a wasiat dek abdinah pribadi, keluarga, sareng sadejeh jamaah se hadir e delem pelaksanaan shalat Jumat kakdintoh, untuk teros aningkat aki ketakwaan dek ajunan epon Allah swt, kalaben ngalakonih sadejeh kawejiben, serta ajeuih sadejeh larangan epon. Sebeb, tadek sanguh se lebbi sae untuk e pektah dek akherat, kajebeh sangauh aropah Islam sareng iman. Milanah deri kakdintoh, toreh teros tingkat aki sadejeh kapekusen se bisa e lakonih.​​​​

 

Ma’asyiral Muslimin rahimakumullah

Salah satu kalakoan se sangat e kasokanih sareng gusteh Allah, enggi kakdintoh asokkor atas sadejeh nikmat sareng papareng se ampon e parengaki dek kuleh sareng padeh panjennengan sadejeh. Kalaben asokkor kintoh, kuleh sareng sampean anuttu aki jhek tak ageduen panapah, ben se Maha ageduih sadejenah nikah coma Allah se Mahakobesah.

 

Salah sittung pukteh bahwa kalaben asokkor nikah Allah sanget pungan, enggi kakdintoh firman Allah se bedeh e delem Al-Qur’an, se a negges aki jhek oreng se asokkor kintoh pekal e tamba se lebbi bennyak sareng Allah. E delem Al-Qur’an e sebut aki:

 

لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ

 

Arte epon, “Sesungguhnya jika kamu bersyukur, niscaya Aku akan menambah (nikmat) kepadamu, tetapi jika kamu mengingkari (nikmat-Ku), maka pasti azab-Ku sangat berat.” (QS Ibrahim: 7). 

 

Para ulama ahli tafser, akadih Syekh Muhammad Sayyid At-Thanthawi e delem ketab epon, Tafsir Al-Wasith, juz I, halaman 240 ajellasaki, bahwa ayat kakdintoh kagungan makna parenta, saenggenah wejib begi kuleh sareng panjennengan sadejeh untuk asokkor dek ajunan epon Allah. 

 

Lantas, kadih napah cara asokkor se pender kintoh, panapah cokop kalaben adebu alhamdulillah, otabeh bedeh hal laen se e koduh e kalakoh?

 

Menurut Syekh At-Thanthawi, cara asokkoreh nikmat se e parengih sareng Allah kintoh enggi ngakonih bahwa nikmat sareng papareng nikah sadejenah deri Allah, serta se tak kalah penting enggi kakdintoh, koduh aguna aki nikmat sesuai kalaben pengguna ennah, se loros ben sesuai sareng petunjuk deri syariat. Milanah deri panikah, beliau mengatakan:

 

وَحَقِيْقَةُ الشُّكْرِ: اَلْاِعْتِرَافُ بِنِعَمِ اللهِ تَعَالَى، وَاسْتِعْمَالِهَا فِى مَوَاضِعِهَا اَلَّتِى أَرْشَدَتْ الشَّرِيْعَةُ إِلَيْهَا

 

Arte epon, “Hakekat deri sokkor nikah enggi kakdintoh ngakonih dek sadejeh nikmat Allah ta’ala, serta aguna aki sesuai kalaben tempatteh se ampon e tottu aki sareng syariat.”
 

 

Ma’asyiral Muslimin rahimakumullah

A sokkor atas sadejeh papareng deri gusteh Allah kakdintoh aropa aki bentuk keimanan setiap manussah. Oreng se bisa a sokkor, nuddu aki jhek iman e delem jiwanah nikah tebel. Hal kakdintoh akadih se ampon e sampai aki sareng ajunan epon Rasulullah e delem settong hadits, kanjeng nabi adebu: 

 

اَلْإِيْمَانُ نِصْفَانِ نِصْفٌ فِى الصَّبْرِ وَنِصْفٌ فِى الشُّكْرِ

 

Arte epon, “Imam kakdintoh kabegi tettih duwek macem, saparoh bedeh e delem sabber, saparoh se laen bedeh e delem sokkor.” (HR Al-Baihaqi).

 

Maksod hadits kakdintoh sebagaimana e jellas aki sareng Syekh Abul Hasan Al-Qari e delem kitab Mirqatul Mafatih, juz XV, halaman 164, enggi kakdintoh sabber dek sadejeh kajube’en sareng kemaksiatan. Sedangkan se e maksod sokkor enggi kakdintoh ngalakonih dek sadejeh kataaten sareng kapekusen. ​​​​​​​

 

Sakintoh khutbah Jumat tentang asokkor atas sadejeh nikmat sareng papareng deri ajunan epon Allah. Semogeh bisa amanfaat tor deddih panyebeb kebrkaten dek kuleh sareng panjennengan sadejeh, serta bisa aguna aki sadejeh papareng kintoh untuk hal-hal se pegus.

 

بَارَكَ اللهُ لِيْ وَلَكُمْ فِيْ هَذَا الْيَوْمِ الْكَرِيْمِ، وَنَفَعَنِيْ وَاِيَاكُمْ بِمَا فِيْهِ مِنَ الصَّلَاةِ وَالصَّدَقَةِ وَتِلَاوَةِ الْقُرْاَنِ وَجَمِيْعِ الطَّاعَاتِ، وَتَقَبَّلَ مِنِّيْ وَمِنْكُمْ جَمِيْعَ أَعْمَالِنَا إِنَّهُ هُوَ الْحَكِيْمُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، اِنَّهُ هُوَ الْغَفُوْرُ الرَّحِيْمُ

 

Khutbah II

 

اَلْحَمْدُ لِلهِ حَمْدًا كَمَا أَمَرَ. أَشْهَدُ أَنْ لَااِلَهَ اِلَّا الله وَحْدَهُ لَا شَرِيْكَ لَهُ، اِلَهٌ لَمْ يَزَلْ عَلَى كُلِّ شَيْءٍ وَكِيْلًا. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ وَحَبِيْبُهُ وَخَلِيْلُهُ، أَكْرَمِ الْأَوَّلِيْنَ وَالْأَخِرِيْنَ، اَلْمَبْعُوْثِ رَحْمَةً لِلْعَالَمِيْنَ. اللهم صَلِّ وَسَلِّمْ عَلَى سَيِّدِنَا مُحَمَّدٍ وَعَلىَ أَلِهِ وَأَصْحَابِهِ وَمَنْ كَانَ لَهُمْ مِنَ التَّابِعِيْنَ، صَلَاةً دَائِمَةً بِدَوَامِ السَّمَوَاتِ وَالْأَرْضِيْنَ

 

أَمَّا بَعْدُ: فَيَا أَيُّهَا الْحَاضِرُوْنَ اتَّقُوا اللَّهَ حَقَّ تُقَاتِهِ وَذَرُوْا الْفَوَاحِشَ مَا ظَهَرَ مِنْهَا وَمَا بَطَنَ. وَحَافِظُوْا عَلَى الطَّاعَةِ وَحُضُوْرِ الْجُمْعَةِ وَالْجَمَاعَةِ وَالصَّوْمِ وَجَمِيْعِ الْمَأْمُوْرَاتِ وَالْوَاجِبَاتِ. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ بِنَفْسِهِ. وَثَنَى بِمَلَائِكَةِ الْمُسَبِّحَةِ بِقُدْسِهِ. إِِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً

 

اللهم صَلِّ عَلَى سَيِّدِنَا مُحَمَّدٍ وَعَلَى أَلِ سَيِّدِنَا مُحَمَّدٍ كَمَا صَلَّيْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ وَبَارِكْ عَلَى اِبْرَاهِيْمَ وَعَلَى أَلِ سَيِّدِنَا مُحَمَّدٍ كَمَا بَارَكْتَ عَلَى سَيِّدِنَا اِبْرَاهِيْمَ وَعَلَى أَلِ سَيِّدِنَا اِبْرَاهِيْمَ فِيْ العَالَمِيْنَ اِنَّكَ حَمِيْدٌ مَجِيْدٌ. اللهم اغْفِرْ لِلْمُسْلِمِيْنَ وَالْمُسْلِمَاتِ وَالْمُؤْمِنِيْنَ وَالْمُؤْمِنَاتِ اَلْأَحْيَاءِ مِنْهُمْ وِالْأَمْوَاتِ. اللهم ادْفَعْ عَنَّا الْبَلَاءَ وَالْغَلَاءَ وَالْوَبَاءَ وَالْفَحْشَاءَ وَالْمُنْكَرَ وَالْبَغْيَ وَالسُّيُوْفَ الْمُخْتَلِفَةَ وَالشَّدَائِدَ وَالْمِحَنَ، مَا ظَهَرَ مِنْهَا وَمَا بَطَنَ، مِنْ بَلَدِنَا هَذَا خَاصَةً وَمِنْ بُلْدَانِ الْمُسْلِمِيْنَ عَامَةً، اِنَّكَ عَلَى كُلِّ شَيْءٍ قَدِيْرٌ

 

عِبَادَ اللهِ، اِنَّ اللهَ يَأْمُرُكُمْ بِالْعَدْلِ وَالْاِحْسَانِ وَاِيْتَاءِ ذِيْ الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذْكُرُوْا اللهَ الْعَظِيْمَ يَذْكُرُكُمْ وَلَذِكْرُ اللهِ أَكْبَرُ 

 

 

Ustadz Sunnatullah, Pengajar di Pondok Pesantren Al-Hikmah Darussalam Durjan Kokop Bangkalan Jawa Timur.